Tramp Aq úı mańyndaǵy atys kezinde jaralanǵan sarbazdyń qaza tapqanyn jetkizdi
ASTANA. KAZINFORM — AQSh prezıdenti Donald Tramp 20 jastaǵy Sara Bekstromnyń qaıtys bolǵanyn málimdedi. Ol sársenbi kúni Vashıngtondaǵy oq atýdan zardap shekken Ulttyq gvardııanyń qyzmetkerleriniń biri bolǵan, dep jazdy VVS.
«Batys Vırdjınııadan shyqqan Sara Bekstrom — biz aıtyp otyrǵan gvardııashylardyń biri, qadirli, jas jáne tamasha áıel. Ol 2023 jyldyń maýsymynda qyzmetke kiriskennen bastap barlyq jaǵynan erekshe jan retinde ózin kórsetti. Ol qazir ǵana ómirden ótti», — dedi Tramp Alǵys aıtý kúnindegi áskerı qyzmetkerlerge joldaǵan úndeýinde.
Aıta keteıik, Ulttyq gvardııa sarbazdary sársenbi kúni Aq úıdiń mańynda jasalǵan qarýly shabýyldyń qurbany bolǵan. Basty kúdikti — 29 jastaǵy Aýǵanstan azamaty Rahmanýlla Lakanval, onyń amerıkalyq áskerlerdiń elden shyǵarylǵannan keıin AQSh-qa kóship kelgeni belgili boldy.
Taǵy bir zardap shekken, 24 jastaǵy Endrıý Výlf qazir aýyr jaǵdaıda aýrýhanada em alyp jatyr.