Tramp birinshi hanym týraly ázili úshin ABC telejúrgizýshisin jumystan shyǵarýdy talap etti
ASTANA. KAZINFORM — Donald Tramp amerıkalyq Disney jáne ABC telearnalaryn keshki shoý júrgizýshisi Djımmı Kımmeldi AQSh kóshbasshylary qatysqan keshki as kezinde atys bolǵan bir kún buryn birinshi hanym Melanııa Trampty ázildep «bolashaq jesir» dep ataǵannan keıin jumystan shyǵarýdy surady, dep habarlaıdy Kazinform.
Ótken aptada Djımmı Kımmel parodııalyq qoıylym kórsetip, Melanııa Trampqa: «Bizdiń birinshi hanym osynda. Tramp hanym… siz bolashaq jesir sııaqty jarqyrap tursyz», — dedi.
— Aıtpaqshy, eger búgin keshke prezıdentimizge shuǵyl medıtsınalyq kómek qajet bolsa, úıde dáriger bar ma… keshirińiz. Aıtaıyn degenim, úıde Isa bar ma? Men olardy árqashan shatastyramyn, — dep málimdedi ol, prezıdent Tramp buryn TruthSocial-da jarııalap, sodan keıin ony óshirip tastaǵan óziniń Isa paıǵambar beınesindegi memge silteme jasap.
Bul ázil Tramp qatysqan Aq úı tilshiler qaýymdastyǵynyń keshki asyndaǵy atystan birneshe kún buryn aıtyldy. Ol AQSh prezıdentine qastandyq jasaý áreketi retinde jikteldi. AQSh prezıdenti Aq úı tilshiler qaýymdastyǵynyń qabyldaýynan evakýatsııalandy.
Donald Tramp júrgizýshiniń sózderin «zorlyq-zombylyqqa jıirkenishti úndeý» dep atady.
— Teledıdardaǵy reıtıngine qaraǵanda, múldem kúlkili emes Djımmı Kımmel óz shoýynda shynymen de tańqalarlyq málimdeme jasady. Ol birinshi hanym Melanııa men bizdiń ulymyz Berronnyń jalǵan beınejazbasyn kórsetti, olar shyn máninde onyń stýdııasynda otyryp, onyń sózin tyńdap otyrǵandaı boldy, biraq bul olaı bolǵan joq jáne eshqashan bolmaıdy. Bir kúnnen keıin bir essiz adam myltyq, tapansha jáne kóptegen pyshaqpen qarýlanyp, Aq úı tilshileriniń keshki as zalyna kirýge árekettendi, — dep jazdy AQSh prezıdenti Truth Social-da.
Amerıkalyq kóshbasshy Disney men ABC telearnalarynan Djımmı Kımmeldi «dereý» jumystan shyǵarýdy talap etti.
Buǵan deıin AQSh-tyń birinshi hanymy Melanııa Tramp ta ABC-den oqıǵaǵa jaýap berýdi jáne júrgizýshige qarsy shara qoldanýdy talap etken bolatyn.
— Kımmel sııaqty adamdar bizdiń úılerimizge ár túni kirip, jekkórýshilik tarata almaýy kerek. Qorqaq Kımmel ABC-diń artyna tyǵylyp tur, sebebi telearna ony jasyra beretinin biledi. Jeter. ABC óz ustanym bildiretin ýaqyt keldi. ABC basshylyǵy qoǵamymyzdyń esebinen Kımmeldiń jıirkenishti minez-qulqyn taǵy qansha ret keshiredi? , — dep málimdedi ol.
Birinshi hanymnyń áleýmettik jelidegi jazbasy buryn konservatıvti belsendi Charlı Kırktiń óliminen keıin aıtqan pikirleri úshin Tramp ákimshiliginiń nysanasyna aınalǵan Kımmelmen baılanysty sóz bostandyǵyna qatysty taǵy bir úlken daý týdyrdy.
Eske sala ketsek, amerıkalyq ABC telekompanııasy júrgizýshi Djımmı Kımmeldiń keshki baǵdarlamasyn efırden alyp tastady. Oǵan Tramptyń jaqtastary jastar konservatıvti qozǵalysynyń qaıratkeri jáne Donald Tramptyń seriktesi Charlı Kırkti óltirý taqyrybyn paıdalanyp jatyr degen sózi sebep bolǵan.
Eske sala ketsek, buǵan deıin konservatıvtik kózqarastarymen tanymal amerıkalyq bloger
Charlı Kırkke ıÝta alqaby ýnıversıtetinde sóılep turǵan sátinde oq atyldy.
Eske salsaq, Donald Tramp 2025 jyldyń jeltoqsanynda VVS-ge qarsy 5 mlrd dollar talap etip, sotqa júgindi.
