Tramp 6 tamyz kúni málimdeme jasaıdy — Aq úı
ASTANA. KAZINFORM — AQSh prezıdenti Donald Tramp sársenbi kúni Aq úıdiń Sopaq kabınetinde málimdeme jasaıdy. Bul týraly Aq úı jarııalaǵan resmı kestede kórsetilgen.
Málimdemeniń naqty taqyryby ázirge belgisiz. Kestede tek onyń ýaqyty kórsetilgen — Vashıngton ýaqytymen saǵat 4:30–da (Astana ýaqytymen 7 tamyz, 01:30–da) ótedi.
Buǵan deıin Tramp Aq úıdiń brıfıngte jýrnalısterdiń birneshe suraǵyna jaýap bergen bolatyn.
AQSh ákimshiligi basshysynyń baspasóz qyzmeti habarlaǵandaı, prezıdent Aq úıdiń shatyryna shyǵyp, qyrkúıekte bastalýy josparlanǵan bal zalynyń qurylys alańyn sholyp shyqqan. Bul joba tolyǵymen Amerıka prezıdentiniń jeke qarjysy esebinen júzege asyrylady. Al jýyrda Aq úıdiń raýshan baǵynda júrgizilgen qurylys jumystary aıaqtalǵan.
Budan buryn habarlanǵandaı, Kambodja AQSh prezıdenti Donald Trampty Nobeldiń beıbitshilik syılyǵyna usynýdy josparlap otyr.