Tramp 150-den astam elge 10–15% baj salyǵyn salmaq

ASTANA. KAZINFORM – AQSh prezıdenti Donald Tramp 150-den astam elge 10-nan 15 paıyzǵa deıingi baj salyǵyn salatyny týraly hat joldaǵaly otyrǵanyn málimdedi, dep habarlaıdy Kazinform menshikti tilshisi MSN-ge silteme jasap.

Alaıda stavkaǵa qatysty naqty sheshim áli qabyldanbady.

- Biz 150-den astam elge tólem týraly habar bermekpiz. Ol habarda tarıf mólsheri kórsetiledi, - dedi Donald Tramp.

Osyǵan deıin Tramp Brazııalııaǵa 50%, Vetnamǵa 19%, Kanadaǵa 25%, al Eýropalyq Odaqqa 30 paıyzdyq tarıf, sondaı-aq farmatsevtıkalyq ónimder men kólik ımportyna baj salyǵyn engizetini týraly habarlaǵan bolatyn. Sońǵy málimdeme osy habar aıasynda jasaldy.

Sondaı-aq osy aqparatta Tramptyń 2 sáýirde engizip, keıinge qaldyrylǵan aýqymdy tarıfteri kúshine enetin merzim - 1 tamyzdyń jaqyndap qalǵany aıtylǵan.

Osyǵan baılanysty kóptegen elder AQSh-pen saýda kelisimen jasap qalýǵa asyǵyp jatyr.

Osyǵan deıin EO men AQSh saýda kelisimi boıynsha jumysyn jedeldetetini habarlandy.

Al Vetnam AQSh-pen saýda kelisimine qol qoıdy.