«Tramadol» preparatynyń satylymy qatań baqylaýǵa alyndy
Atalǵan vedomstvo málimetinshe, «Halyq densaýlyǵy jáne densaýlyq saqtaý júıesi týraly» kodekske sáıkes, dárigerdiń retseptisi boıynsha bosatylýǵa arnalǵan dárilik zattardy retseptisiz satýǵa tyıym salynǵan. Bul talapty buzǵandarǵa «Ákimshilik quqyq buzýshylyq týraly» QR kodeksine sáıkes ákimshilik jaýapkershilik qarastyrylǵan. Dárilik zattardy retseptimen bosatý erejesine sáıkes, «Tramadol» retseptimen bosatylatyn dárilik preparatqa jatqyzylǵan.
QR DSM osy jaýapkershilikti tıimdi qoldaný maqsatynda «Dárilik zattardy, medıtsınalyq maqsattaǵy buıymdar men medıtsınalyq tehnıkany kóterme jáne bólshek saýdada ótkizý» erejesine, onyń ishinde dárihanada klonıdın, kodeın, tropıkamıd, tramadol, tsıklopentolat, pregabalın, zopıklon, dıfengıdramın, prometazın sııaqty ýly zattardy 3 jylǵa deıin saqtaý merzimin ulǵaıtý bóliginde ózgerister engizdi. Belgilengen talaptardyń saqtalýyn baqylaý úshin jospardan tys tekserý QR DSM Farmatsııa komıtetiniń aýmaqtyq bólimsheleri, sondaı-aq aımaqtyq polıtsııa departamentteriniń Esirtkige qarsy kúres basqarmasy «Dopıng» jedel operatsııasyn júrgizý aıasynda, al jekelegen óńirlerde QR DSM Farmatsııa komıtetiniń aýmaqtyq bólimsheleriniń mamandaryn jibere otyryp júzege asyrady», - delingen mınıstrlik málimetinde.
2018 jyldyń 10 aıy boıynsha «Tramadol» preparatyn retseptisiz satqany úshin 11 mln 144 myń 920 teńgeden astam somaǵa 52 ákimshilik aıyppul salynǵan.