«Tramadol Lannaher» dárisiniń tirkeý kýálikteri keri qaıtaryldy
ASTANA.KAZINFORM– QR Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti «Tramadol Lannaher» dárilik zattarynyń tirkeý kýálikteri keri qaıtarylǵanyn málimdedi.
Komıtet tóraǵasynyń buıryǵyna sáıkes, Reseıdegi «OOO Bausch Health» kompanııasyna tıesili «Tramadol Lannacher, qabyqpen qaptalǵan retard tabletkalarynyń 100 mg jáne 150 mg dozalarynyń tirkeý kýálikteri keri qaıtarylǵan. Tirkeý kýálikteri «Baýsh Hels» JShQ-na (Reseı Federatsııasy) tıesili.
Komıtet bul sheshimniń dárilik zattardyń sapasyna, tıimdiligine nemese qaýipsizdigine qoıylatyn talaptarǵa sáıkessizdik anyqtalýyna baılanysty emes ekenin atap ótti. Tirkeý kýálikteriniń keri qaıtarylýyna kompanııanyń tıisti bıznes-sheshimi negiz bolǵan.
2026 jylǵy 13 tamyzdaǵy jaǵdaı boıynsha Qazaqstan Respýblıkasynyń Memlekettik dárilik zattar tiziliminde quramynda tramadol bar 7 dárilik zat tirkelgen. Olar úsh óndirýshige tıesili: Úndistannyń Protech Biopharma Pvt. Ltd., Avstrııanyń G.L. Pharma GmbH kompanııalary jáne otandyq óndirýshi – «Hımfarm» AQ.
100 mg dozada quramynda tramadol bar bir ǵana dárilik zat tirkelgen. Bul Avstrııanyń G.L. Pharma GmbH óndirgen «Tramadol Lannaher», ınektsııaǵa arnalǵan 100 mg/2 ml eritindisi.
Al 150 mg dozadaǵy quramynda tramadol bar tirkelgen dárilik zat 2026 jylǵy 13 tamyzdaǵy jaǵdaı boıynsha joq.
Aıta keteıik elde dárihana kóp, biraq nege baǵa túspeı turǵanyn jazǵanbyz.
