Traktorshy-mashınıst kýáligin qalaı alýǵa bolady
ASTANA. KAZINFORM — Qazaqstanda traktorshy-mashınıst kýáligin alý úshin arnaıy oqý kýrsynan ótip, emtıhan tapsyrý qajet. Qujatty elektrondyq lıtsenzııalaý portaly arqyly onlaın nemese jergilikti memlekettik organǵa júginý arqyly rásimdeýge bolady. Bul týraly Abaı oblysy ákimdiginiń baspasóz qyzmeti habarlady.
Traktor men ózdiginen júretin arnaıy tehnıkany basqarý úshin kádimgi júrgizýshi kýáligi jetkiliksiz. Oǵan traktorshy-mashınıst kýáligi qajet.
Qandaı qujattar qajet?
Kýálik alýǵa ótinish bermes buryn myna qujattardy daıyndaý kerek:
-
arnaıy oqý kýrsyn aıaqtaǵany týraly kýálik nemese «Aýyl sharýashylyǵyn mehanıkalandyrý» mamandyǵy boıynsha dıplom;
-
kólik quralyn basqarýǵa jaramdylyǵyn rastaıtyn № 073/ý nysanyndaǵy medıtsınalyq anyqtama;
-
memlekettik baj tólengenin rastaıtyn qujat;
-
3,5 × 4,5 sm fotosýret.
Memlekettik baj mólsheri — 0,5 AEK.
Kýálikti onlaın qalaı rásimdeýge bolady?
Qujatty elicense.kz elektrondyq lıtsenzııalaý portaly arqyly alýǵa bolady. Ol úshin:
- Portalǵa ETsQ nemese eGov Mobile qoldanbasyndaǵy QR-kod arqyly kirińiz.
-
Іzdeý jolaǵyna «Traktorlardy jáne olardyń bazasynda jasalǵan ózi júretin shassıler men mehanızmderdi basqarý quqyǵyna kýálikter berý» qyzmetiniń ataýyn engizińiz.
-
Qajetti qyzmetti tańdap, ótinishti toltyryńyz jáne suralǵan qujattardyń elektrondyq kóshirmelerin tirkeńiz.
-
Ótinishke ETsQ arqyly qol qoıyp, jiberińiz.
Ótinish pen qujattar tekserilgennen keıin kýálik eki jumys kúni ishinde daıyndalady.
Kýálikti onlaın rásimdeý múmkindigi bolmasa, turǵylyqty jerińizdegi jergilikti memlekettik organnyń aýyl sharýashylyǵy bólimine júginýge bolady.
Eske salaıyq, buǵan deıin júrgizýshi kýáligine emtıhanǵa eGov arqyly jazylýǵa bolatynyn jazǵan edik.
