Traktor mingen fermerler Brıýsselge qaıtyp oralmaq

ASTANA. KAZINFORM – Búgin Belgııa astanasynda eýropalyq fermerlerdiń kezekti aktsııasy ótedi.

Sharýalar mıtıngi EO-ǵa múshe elderdiń aýyl sharýashylyǵy jáne balyq sharýashylyǵy mınıstrleriniń kezdesýi josparlanyp otyrǵan Eýrokomıssııa ǵımaratynyń janynda ótedi. 

Fermerler eýropalyq aýyl sharýashylyǵynyń qazirgi saıasatyna narazylyq bildirýde.

Osyǵan baılanysty jergilikti polıtsııa kólik júrgizýshilerine el astanasynyń barlyq aýmaǵynda kólik qozǵalysynyń aıtarlyqtaı buzylýy týraly eskertti. Jolaýshylarǵa erteń jumysqa barý jáne qaıtý úshin balama kólik túrlerin izdeý usynylady. 

Polıtsııa Brıýsselge kólikpen barmaýdy keńes etti. Múmkindigi bar azamattarǵa qoǵamdyq kólikpen júrýge nemese jumysqa velosıpedpen barý usynylǵan.