TRACECA-nyń kelesi otyrysy qashan ótedi
ASTANA. KAZINFORM – TRACECA Úkimetaralyq komıssııasynyń 18-shi otyrysynda Qyrǵyzstan Respýblıkasynyń kólik jáne kommýnıkatsııalar mınıstriniń orynbasary Almaz Týrgýnbaev kelesi jıyndy ótkizý merzimine qatysty usynys bildirdi.
– 19-otyrysty 2027 jyldyń qyrkúıek-qazan aılarynda ótkizý usynylady. Naqty orny men ýaqyty keıin barlyq tarappen kelisiledi, - dedi ol.
TRACECA otyrysynda Qyrǵyzstan tarapy uıym aıasyndaǵy yntymaqtastyqty odan ári nyǵaıtý qajettigin de atap ótti.
Sonymen qatar ol atqarylǵan jumystar úshin alǵys bildirip, jańa Bas hatshyǵa tabys tiledi.
– Jańa Bas hatshymen aldaǵy ýaqytta da ózara tıimdi, eń bastysy nátıjeli yntymaqtastyq bolady degen senim bildiremin. Barlyǵymyz bul jumysty dálizdiń ıgiligi úshin birge atqarýymyz qajet, - dedi Almaz Týrgýnbaev.
Sondaı-aq ol Iran tarapynyń tóraǵalyq kezeńin joǵary baǵalap, Qazaqstannyń kelesi kezeńdegi jumysyna sáttilik tiledi.
– Iran tarapyna tabysty tóraǵalyǵy úshin alǵys bildiremiz jáne Qazaqstannyń jańa kezeńdegi jumysyna sáttilik tileımiz, - dedi ol.
Aıta keteıik, TRACECA Úkimetaralyq komıssııasynyń 18-shi otyrysynda uıymnyń jańa Bas hatshysy retinde Ózbekstan kólik mınıstriniń orynbasary Jasýrbek Chorıev tanystyryldy.
