TRACECA elderi biryńǵaı tranzıttik ruqsat týraly kelisimge qol qoıdy
ASTANA. KAZINFORM – TRACECA Úkimetaralyq komıssııasynyń 18-shi otyrysy aıasynda Eýropa – Kavkaz – Azııa halyqaralyq kólik dálizin damytýǵa jáne tranzıttik rásimderdi tsıfrlandyrýǵa baǵyttalǵan birqatar mańyzdy qujatqa qol qoıý rásimi ótti.
Rásim barysynda júrgizýshi TRACECA-nyń biryńǵaı tranzıttik ruqsat týraly kelisimge qol qoıylǵanyn jarııa etti. Qujatqa Ázerbaıjan, Qazaqstan, Qyrǵyzstan, Ýkraına jáne Ózbekstan qol qoıdy.
Sonymen qatar «TRACECA kópjaqty ruqsaty» tehnıkalyq qujatyna ózgerister engizý týraly sheshimge qol qoıý rásimi de ótti. Atalǵan qujatqa Armenııa, Grýzııa, Moldova, Rýmynııa, Túrkııa, Ýkraına jáne Qyrǵyzstan qol qoıdy.
Bul kelisim TRACECA elderi arasyndaǵy tranzıttik rásimderdi jeńildetýge jáne kólik dálizi boıynsha júk tasymalynyń tıimdiligin arttyrýǵa baǵyttalǵan.
Aıta keteıik, Dúnıejúzilik bank Orta dálizge 7,6 mlrd dollar ınvestıtsııa salýdy josparlap otyr.
