Tozyǵy jetken úıler qaı óńirlerde kóp – mınıstrlik málimeti

ASTANA. QazAqparat - Indýstrııa jáne ınfraqurylymdyq damý mınıstri Marat Qarabaev tozyǵy jetken úılerdiń eń kóbi elimizdiń qaı óńirlerinde ornalasqanyn aıtty, dep habarlaıdy QazAqparat tilshisi.

Turǵyn úılerdi kútip ustaý jáne olardy kúrdeli jóndeýden ótkizý jumystary jalǵasýda. Búginde kúrdeli jóndeýdi qajet etetin obektilerdiń úlesi 32%-dan 31,1%-ǵa tómendedi. Degenmen áli de 5 óńirde tozǵan turǵyn úıler sany kóp bolyp otyr. Atap aıtqanda, Abaı oblysynda – 67 %, BQO – 63,9%, Aqmola - 59,2%, Jetisý – 52,6% jáne Almaty qalasynda- 52,4% quraıdy», - dedi Marat Qarabaev Úkimet otyrysynda.

Mınıstrdiń esebinshe, byltyr 11 óńirinde 215 kóppáterli turǵyn úı kúrdeli jóndeýden ótti.

«Bıyl respýblıkalyq bıýdjetten tek Qyzylorda jáne Túrkistan oblysyna qoldaý kórsetildi. Atalǵan óńirlerde 2,4 mlrd teńgege 73 turǵyn úıge kúrdeli jóndeý jumysy josparlanyp otyr. Odan bólek, 219 kóppáterli turǵyn úıdi qaıta jańǵyrtýǵa 7 óńirden ótinim tústi. Oǵan qarajat bıýdjetti naqtylaý kezinde qarastyrylady. Osy oraıda kóppáterli turǵyn úılerdi kúrdeli jóndeýge qarjy qajet óńirler, ótinimdi respýblıkalyq bıýdjet komıssııasynyń qaraýyna engizý úshin tezdetip usynýy qajet», - deıdi vedomstvo basshysy.

Buǵan deıin M. Qarabaev bıyl 200-ge jýyq eldi meken ortalyqtandyrylǵan aýyzsýmen qamtylatynyn aıtqan edi.