Tózimsizdikpen, ásirese násilshildik jáne ksenofobııamen kúres óte mańyzdy, ári qajetti is - Grekııa ókili
ASTANA. 27 qarasha. QazAqparat /Marlan Jıembaı/ -Tózimsizdikpen, ásirese násilshildik jáne ksenofobııamen kúres óte mańyzdy, ári qajetti is. Elordada ótip jatqan EQYU Sammıti qarsańyndaǵy Sholý konferentsııasynyń «Mıgranttarǵa qatysty tózimsizdik» sessııasynda sóz alǵan Grekııa ókili osyndaı pikir bildirdi.
«EQYU-ǵa qatysýshy memleketterde mıgranttardyń aldynan shyǵatyn tózimsizdikpen, ásirese násilshildik jáne ksenofobııamen kúres óte mańyzdy, ári qajetti is», - dedi ol.
Sheteldik meımannyń pikirinshe, ásirese eńbek mıgranttary arasyndaǵy erekshe problemalarǵa dýshar bolatyn áıelderdiń jaǵdaıyna erekshe nazar aýdarý qajet. Bul oraıda EQYU-nyń mıgranttarǵa qatysty tózimsizdik qubylysymen kúreste aldyńǵy qatarda bolýy ońdy.
Sondaı-aq ol sózinde mıgranttarǵa qatysty tózimsizdikpen kúresýge jol ashatyn tásilderdi bilim oshaqtaryna engizip, kishkentaı kezden bastap tózimdilikke jáne toleranttyqqa tárbıeleý qajettigin basa aıtty.
