Tozǵan sý, jylý, elektr jelileri sanyn azaıtý úshin monopolıstermen jumys tártibi ózgermek
«Memleket basshysy Joldaýynda elimizde elektrmen jabdyqtaý jelileriniń úshten ekisi, jylý kommýnıkatsııalarynyń 57%-y, sýmen jabdyqtaý jelileriniń jartysyna jýyǵy tozyǵy jetkenin aıtty. Tarıfterdi jasandy shekteý - elektr jaryǵyn sóndirýge, jazataıym oqıǵalarǵa, sonyń saldarynan azamattardyń densaýlyǵy men ómirine qaýip tónedi. Monopolııa naryǵynda «Investıtsııaǵa aıyrbas tarıfi» jańa tarıftik saıasatyna kóshý qajet. Osyǵan oraı, Prezıdenttiń tapsyrmasyn oryndaý maqsatynda monopolıstermen tıisti jumystar júrgizilýde», - dedi spıker.
Onyń aıtýynsha, Almatyda tabıǵı monopolııalar men negizgi qor jelileri sýbektileri aıtarlyqtaı tozǵan. Mysaly, sýmen jabdyqtaý, sý burý salalarynda 50%-dan astam, jylý, elektrmen jabdyqtaý salalarynda 60%-dan astam tozǵan. Aldyn ala málimet boıynsha 2029 jylǵa qaraı jeliniń tozýyn 15%-ǵa azaıtýǵa qol jetkizý josparlanýda.
«Qazirgi ýaqytta jylýmen jabdyqtaý, sýdy tazartý salalarynda bir shaqyrym jelini jóndeýdiń quny elektr energııasyn tasymaldaýdan qaraǵanda áldeqaıda joǵary. Osylaısha, árbir saladaǵy tarıfke jeke áser etedi. Júrgizilip jatqan reformalardan joǵary nátıje alý úshin birqatar memlekettik monopolısterdi bir organǵa biriktirýdi kózdeıtin, monopolısterdiń qyzmetin retteý tásilderin ózgertý qajet. Bul operatsııalyq shyǵyndardy ońtaılandyrady jáne ınvestıtsııalyq tartymdylyqty arttyrady. Osylaısha, jylý jáne sýmen jabdyqtaý, sý burý júıelerin damytý úshin qarjylandyrýdyń naryqtyq tetikterine tıimdi kóshý arqyly bıýdjettik sýbsıdııalardan kezeń-kezeńimen bas tartý qajet», – dedi Á.Býdeneeva.
Bul sharalarǵa shyǵyndardy ońtaılandyrý, ınvestıtsııalyq tartymdylyqty arttyrý jáne tarıfter deńgeıin qaıta qaraý arqyly qol jetkizilmek.
«Jelilerdiń tozýyn azaıtý jáne ınvestıtsııalardy tartý boıynsha qabyldanǵan sharalardan kútiletin nátıje - jelilerdegi normatıvtik ysyraptardy, jospardan tys úzilister men apattar sanyn azaıtý, jańartylǵan obektilerdiń qyzmet etý merzimin ulǵaıtý, úzdiksiz qyzmet kórsetýdi qamtamasyz etý bolyp tabylady. Tutastaı alǵanda, tarıfterdiń negizsiz ósýine jol berilmeıdi, tarıfterdiń ózgerýiniń árbir jaǵdaıy úshin áleýmettik-ekonomıkalyq jaǵdaıdy eskere otyryp, monopolısterdiń qyzmetine jeke baǵalaý júrgiziletin bolady», - dedi Tabıǵı monopolııalardy retteý komıtetiniń Almaty qalalyq departamentiniń basshysy Ásel Býdeneeva.
Foto: Almaty qalasynyń Óńirlik kommýnıkatsııalar qyzmetiniń baspasóz qyzmeti
