Toıymsyzdyq pa, álde bázbireý jeliktirip otyr ma - Dáýren Seıitjanuly Mańǵystaýdaǵy jaǵdaı jóninde

NUR-SULTAN. QazAqparat – Jýrnalıst Dáýren Seıitjanuly Mańǵystaýdaǵy jumysyn toqtatqan kásiporyndar týraly pikirin bildirdi, dep habarlaıdy QazAqparat.

«Mańǵystaý óńirinde óndiris oryndary toqtap tur. Eki apta boldy. Ereýildegen jumysshylardyń talaby: jalaqyny 1 mln teńgege kóterý. Talap tym joǵary sekildi. Benzovoz júrgizetin, janarmaı beketterinde jumys isteıtin qandastarymyzdyń aılyǵy 100 myń teńge shamasynda. Áıtpese ıisten keletin zardapty óndiristegilerden kem kórip júrgen joq. Onyń qasynda mynalardyń jaǵdaıy álhám shúkir. Kemi 400 myń jalaqy alady degen aqparat shyǵyp jatyr. Eger syıaqylardy, qosymsha tólemderdi qossa, onsyz da olar aı saıyn ortasha eseppen 1 mln teńge alady. Sonda da ereýildi toqtatpaıdy. Toıymsyzdyq pa bul, álde bázbireý jel berip, jeliktirip otyr ma?», - dep jazdy D. Seıitjanuly Facebook jelisinde.

Jýrnalıst eń abzaly – jańa jumys oryndaryn ashý ekenin jazdy.

«Qansha adam eki qolǵa bir kúrek tappaı júr. Al bılik, kompanııalar jaqynda qoıylǵan bul talaptardy, mindetterdi retimen oryndap jatyr», - dedi ol.

Aıta keteıik, Jańaózendegi «Ózenmunaıgaz» jumysshylarynyń jalaqysy 20 paıyzǵa ósti.

Májilistiń jalpy otyrysynda depýtat Ekaterına Smyshlıaeva da eńbek ujymdary arasynda mıtıngiler men ereýilderge alańdaýshylyq bildirgen edi.