Toyota ushatyn kólik jasaýmen aınalysýda
ASTANA. QazAqparat - Japondyq avtomobıl kontserni jolda qalqyp ushyp júretin avtomobıl jasaýmen aınalysýda. Bul týraly San-Frantsıskoda Bloomberg's Next Big Thing Summit konferentsııasy barysynda kompanııanyń tehnıkalyq top basshysy Hıroıoshı Ioshıkı málim etti, dep habarlady RBK, Bloomberg-ke silteme jasaı otyryp.
Hıroıoshı Ioshıkıdiń aıtýynsha, jasalyp jatqan kólik kádimgideı ushpaıdy, tek jolda úıkelisti azaıtý, kólik tıimdiligin arttyrý úshin sál kóterilip, qalqyp júredi.
Hıroıoshı Ioshıkı ushatyn kólikpen jumys Toyota kompanııasynyń eń ozyq jasalymdarynyń biri bolmaq ekenin aıtyp ótti. Ol jobany qashan qolǵa alǵany, qansha ýaqytqa sozylady, serııalyq úlgileri qashan shyǵady degen suraqtarǵa egjeı-tegjeıli jaýap berýden bas tartty.
Budan buryn Toyotanyń sýtegimen jumys isteıtin otyn elementterimen júretin kólikti satýdy jyl aıaǵynda bastaıtyny belgili bolǵan edi. Japondyq Japan Times gazeti atap ótkendeı, onyń quny 78 myń dollar bolmaq, alaıda kelesi onjyldyqtyń basynda baǵa 30 myń jáne 50 myń dollarǵa deıin túsýi múmkin.
