Toyota úsh júz myńnan astam kóligin qaıta shaqyrýda
ASTANA. QazAqparat - Toyota kontserni búkil álemge taraǵan túrli modeldegi 361,8 myń avtomobılin úsh túrli aqaý shyǵý saldarynan qaıta shaqyrtýda, dep habarlaıdy sheteldik BAQ.
170 myń Toyota Camry kóligin basqarý júıesinen shyqqan aqaýlyǵyna baılanysty shaqyrtýda: kólikterdiń 120 myńy Eýropadan, taǵy 40 myńy - Japonııadan shaqyrtylady. Japonııada satylǵan Hiace, Regius Ace jáne Dyna modelderiniń 105,8 myń danasynyń benzın qubyryn aýystyrý qajet. 86 myń japondyq Toyota Crown men Crown Majesta kólikteriniń qaýipsizdik beldikteri júıesinde aqaýlyq bar.
Kompanııaǵa anyqtalǵan aqaýlyqtarmen baılanysty bolǵan qaıǵyly oqıǵalar nemese jol-kólik oqıǵalarynyń oryn alý jaǵdaılary belgisiz.
