Toyota taǵy da 51 myń júk kóligin qaıtaryp alýda
ASTANA. 27 sáýir. QazAqparat - Toyota Motor Corp. japon korporatsııasy 51 myńǵa tarta Toyota Tundra markaly júk kólikterin iske jaramsyz bólshekteri bolýy múmkin kardan biligi dıagnostıkasy úshin qaıtaryp alýda.
Bul jóninde amerıkandyq BAQ AQSh-taǵy avtokontsern ókilettiginiń sózine silteme jasap habarlaıdy, dep jazady Ýtro.ru.
Satylǵan avtokólikterdiń 0,5 paıyzynda kardandyq val syrǵymaly aıyrynyń aqaýy bolýy múmkin. Búginge deıin bul bólshektiń synǵany týraly bir jaǵdaı tirkelgen. Osy aqaýdyń kesirinen apatqa ushyrap nemese jaraqat alǵandar týraly ázirge málimet joq.
Qaıtaryp alýǵa atalǵan markaly kólikterdiń 2011 jylǵy shyǵarylymy jatady. Atalmysh kólikterdiń ıelerine mamyr aıynan bastap dıagnostıka qajettiligi jóninde habarlandyrý jiberiletin bolady.
