Toyota satylǵan kólikteri boıynsha álemde taǵy da kóshbasshy atandy
ASTANA. QazAqparat - Japonııalyq avtokontsern Toyota Motor Corp satylǵan avtomobıl sandary boıynsha áli de kósh basynda tur, dep habarlady TASS.
Kontsernniń aǵymdaǵy jyldyń qańtar-qyrkúıek aılarynda satqan esebi osynyń dáleli. Naqtyraq aıtqanda, jyl basynan beri Toyota álem boıynsha 7 mln 615 myń kólik satqan. Bul ótken jyldyń dál osy kezeńimen salystyrǵanda 2,8 paıyzǵa artyq. Germanııalyq Volkswagen AG korporatsııasy 7 mln 540 myń avtomobıl satyp, ekinshi orynda tur. Amerıkandyq avtogıgant General Motors úshinshi orynǵa jaıǵasqan. Ol 7 mln 372 myń kólik satqan.
Japonııalyq Toyota avtokontserni kólik satý boıynsha 2012 jyldan beri kósh basynda keledi.
