Toyota Reseıde Land Cruiser markaly kóligin qurastyrýdan bas tartty
ASTANA. QazAqparat - RF-nyń Sollers kólik jasaýshy kompanııasy men Toyota avtokontserni Reseıdiń qıyr shyǵys óndiris aımaǵynda Land Cruiser Prado kóligin qurastyrý týraly kelisimin toqtatty. Bul týraly TASS Sollers-tiń resmı ókiline siltememen habarlady.
«Bul kólikti qurastyrý maýsym aıynda toqtatyldy. Qazirgi tańda kelisimshart kúshin joıǵan», - dedi kompanııanyń resmı ókili. Ol Sollers kólik jasaýshy kompanııasy zaýytynda jumysty jańǵyrtý úshin Toyota avtokontsernimen jańadan kelisimshart jasasý kerek ekenin aıtty.
Buǵan deıin Toyota Reseı naryǵyna Land Cruiser Prado-nyń jańa nusqasy shyǵatynyn habarlaǵan. Kompanııa jańa model Tahara zaýytynda (Japonııa) jasalatynyn jáne Reseıge ımporttalatynyn atap ótken.
