Toyota mıllıonnan astam kólikti qaıtaryp almaq
ASTANA. QazAqparat - Japonııalyq Toyota Motor mıllıonnan astam Prius jáne C-HR avtokólikterin janý qaýpine baılanysty qaıtaryp alady, dep habarlaıdy Bloomberg agenttigi kompanııanyń resmı ókili Jan-Iv Joǵa (Jean-Yves Jault) silteme jasap.
Onyń aıtýynsha, qaıtarylatyn 1,03 mıllıon avtokóliktiń 554 myńy Japonııada bolsa, 192 myńy - AQSh-ta. Qalǵan kólikterdiń qaı elderge satylǵany habarlanǵan joq.
Kompanııa ókili bir ret kólik tutaný oqıǵasynyń bolǵanyn jáne eshkimniń zardap shekpegenin atap ótti.
Toyota deregi boıynsha, qozǵaltqysh pen basqarý blogyn jalǵap turǵan symdar ýaqyt óte kele eskirip, qysqa tuıyqtalýǵa nemese janýǵa soqtyrýy múmkin. Avtoóndirýshi bıyl mamyrǵa deıin shyǵarylǵan barlyq Prius kólikteri men C-HR modeliniń gıbrıdtik nusqasyn qaıtaryp jatyr. Toyota Prius sońǵy nusqasyn 2015 jyly, al C-HR kóligin 2016 jyldyń jeltoqsanynan bastap shyǵarýda.
