«Toyota», «Lexus» - QR ІІM jıi urlanatyn kólikterdiń markasyn atady

ASTANA QazAqparat – Jyl basynan beri elimizde 909 kólik urlanyp, 775-i tabylǵan. QR ІІM Krımınaldyq polıtsııa departamentiniń aǵa jedel ýákili Qudııar Nurseıitov vedomstvonyń onlaın brıfıngisinde osyndaı derek keltirdi, dep habarlaıdy QazAqparat tilshisi.

«Eń jıi urlanatyn kólikterge kelse, bul jerde «Toyota», «Lexus» kólikteri jıi urlanatynyn aıtýǵa bolady. Bıyl 60-tas astam kólikke izdeý jarııalandy. Onyń 85 %-y tabylyp, ıelerine qaıtaryldy», - dedi ol.

Onyń sózine qaraǵanda, TMD elderiniń arasynda urlanǵan kólikterdi bir-birine qaıtarý boıynsha tyǵyz baılanys bar.

«Birlesken jumystardyń arqasynda keıingi 5 jylda TMD elderinan Qazaqstanda urlanǵan 50-den astam avtokólik tabyldy.

Al bizdiń elden Dostastyq memleketteriniń aýmaǵynda urlanǵan 200-ge jýyq avtokólik izdestirildi.

Jyl basynan beri 909 kólik urlansa, olardyń 775-i tabylyp, zańdy ıelerine qaıtaryldy.

Osyndaı qylmystardy jasaǵan 19 qylmystyq top ustaldy. Qazir olardyń halyqaralyq baılanystary tekserilip jatyr», - dedi jedel ýákil.