Toyota qozǵaltqyshynyń istemeı qalý qaýpine baılanysty 127 myń kólikti keri qaıtarmaq

ASTANA. KAZINFORM – Toyota kompanııasy qozǵaltqyshy aıaq astynan óship qalyp, jol apaty qaýpin týdyrý múmkindigine baılanysty 126 691 kólikti AQSh-tan keri qaıtarmaq, dep habarlaıdy CBS News.

Trassadaǵy qozǵalys qaýipsizdigin basqarý ulttyq ortalyǵy (NHTSA) 6 qarashada óndiris kezinde mehanıkalyq óńdeý qaldyqtarynyń alynbaı qalýy múmkin ekendigi týraly málimdedi. Al bul qozǵaltqyshtyń kólik júrip kele jatqanda toqtap qalý qaýpin týdyrý múmkin.

Aqaýy bar kólikterge Toyota Tundra (2022–2024 jylǵy úlgi), Lexus LX600 (2022–2024 jylǵy úlgi) jáne Lexus GX550 (2024 jylǵy úlgi) jatady.

Toyota kompanııasy osy aqparat týraly hatty kólik ıelerine pochtamen 22 qarashada joldamaq, jóndeý jumystary tegin bolady.

Osyǵan deıin Hyundai qaýipsizdik beldigindegi aqaýǵa baılanysty 568 myń avtokólikti keri qaıtaratyny týraly jazdyq.