Toyota qosalqy dóńgelektiń senimsiz bekitilýine baılanysty 870 myńnan asa shaǵynven-kólikterin keri qaıtarmaq
ASTANA. Sáýirdiń 17-si. QazAqparat - Toyota kompanııasy 1998 jyly AQSh pen Kanadada satylǵan Sienna markaly 870 myńnan asa kólikti shaǵynvenderin qosalqy dóńgelekti bekitetin bólshekterdiń tatqa ushyraýǵa beıimdigi saldarynan keri qaıtarýǵa sheshim qabyldady,
dep habarlaıdy QazAqparat Frans-Press agenttigine silteme jasap.
Kompanııa taratqan baspasóz málimdemesinde uzaq ýaqyt jol ústinde, aýa raıynyń sýyq kezderinde, qaýipsizdik úshin tógiletin reagentterden qosalqy dóńgelekti bekitkish isten shyǵyp, sonyń saldarynan onyń júrip kele jatqanda julynyp túsýi, sóıtip apatqa ushyratýy múmkin.
Habarlamada osyndaı jaǵdaılar bolǵany jaıly eshteńe aıtylmaıdy. Degenmen, barlyq Sienna avtomobılderi (600 myńǵa jýyǵy AQSh-ta jáne 270 myńdaıy Kanadada) dıagnostıkadan ótkizilýi tıis. Máseleniń sheshimi tabylǵan boıda satyp alýshylar qaýipten qalaı arylý múmkindiginen jedel habardar etiledi.
