Toyota kompanııasy Japonııada 1 mln-nan astam kólikti keri qaıtarady
ASTANA. QazAqparat - Japonııada Toyota kompanııasy Takata qaýipsizdik qapshyǵynyń kináratyna baılanysty 1,15 mln avtomobıldi keri qaıtarady, dep habarlaıdy euronews.com.
Baǵdarlama 2000 jyldyń tamyzynan bastap 2011 jyldyń jeltoqsanyna deıin shyqqan 19 kólik modelin qamtıdy. Olardyń qatarynda Corolla sedany men ýnıversaly, Vitz shaǵyn kólemdi kóligi, Noah mınıveni bar.
Osy qaýipsizdik qapshyǵynyń máselesi boıynsha nemistiń Volkswagen kontserni japondyq naryqtaǵy 190 myńnan astam mashınany keri qaıtarmaq.
Eske sala ketsek, Japonııanyń Takata kompanııasy eki jyl buryn daýǵa qalǵan bolatyn. Olar shyǵarǵan qaýipsizdik qapshyqtary kemshilik saldarynan apat kezinde durys ashylmaıtyn bolyp shyqqan. Sol sebepti AQSh-ta aldaǵy úsh jyl ishinde Takata kompanııasy ornatqan 40 mln qaýipsizdik jastyǵy keri qaıtarylatyny málim etilgen edi.
