Toyota kompanııasy kólikterdi shyǵarýdy toqtatty
ASTANA. QazAqparat - Japonııanyń eń iri avtokontserni Toyota eldegi 16 zaýytta bolattyń jetispeýinen konveıerlerdi alty kúnge toqtatty.
Birlestiktiń baǵalaýynsha, bul 70-80 myń birlik kólik shyǵarylymynyń qysqartylýyna ákelip soqtyrady. Toyota bul qadamǵa sonyń ishinde qozǵaltqyshtardy jınaý kezinde paıdalanylatyn bolattyń jetispeýshiligine baılanysty barýǵa májbúr boldy. Buǵan qańtarda Aıtı prefektýrasyndaǵy jetkizýshi zaýyttardyń birinde bolǵan jarylys sebep bolyp otyr, dep habarlaıdy RIA Novostı.
Japonııada kompanııanyń ıeliginde avtomobılderdi qurastyratyn 16 kásiporyn bar. Kún saıyn Japonııada konveıerden bul markanyń 13-14 myń kóligi shyǵarylady.
