Toyota kompanııasy ushatyn kólik shyǵarýǵa kirisedi
ASTANA. KAZINFORM — Toyota Motor Corp. kompanııasy Joby Aviation Inc. startapymen Joby ázirlegen elektrli ushaqtardy shyǵarý úshin birlesken kásiporyn qurý týraly kelisimge qol qoıǵanyn jarııalady. Bul týraly Kyodo agenttigi jazdy.
Japonııalyq avtoóndirýshi kompanııanyń málimetinshe, eki kompanııa arasyndaǵy alıans «bastapqyda kommertsııalyq óndiristiń negizin qalaýǵa baǵyttalǵan», sondaı-aq mundaı ushaqtarǵa ósip kele jatqan suranysty qanaǵattandyrý úshin Djobıdiń óndiristik qýatyn keńeıtýge qoldaý kórsetedi.
Joby Toyota Aero Manufacturing Preparation Co. birlesken kásiporyny Kalıfornııa shtatynda tirkeledi. Onyń 51 paıyzy Toyota Motor Corporation kompanııasyna, al qalǵan úlesi amerıkalyq startapqa tıesili bolady.
Toyota buǵan deıin de Joby Aviation kompanııasynyń ınvestory bolǵan. Kalıfornııalyq kompanııa tik ushyp-qonyp, tik qona alatyn elektrli ushý apparattary (eVTOL) negizinde áýe taksılerin ázirleýmen aınalysady.
Aıta keteıik, Qazaqstandaǵy keıbir Toyota RAV4 avtokólikteri keri qaıtarylady.
