«Toyota» qaýipsizdik talaptaryn eskermegeni úshin 1,2 mlrd. dollar aıyppul tóleıdi
ASTANA. QazAqparat - Japondyq «Toyota» kompanııasy AQSh tarıhyndaǵy eń iri aıyppuldardyń birin tóleıtin bolady.
Atap aıtqanda, «Toyota» jáne «Lexus» avtokólikterindegi qaýipsizdik standarttary saqtalmaǵandyǵy jóninde amerıkandyq úkimetpen sot tartysyn retteý aıasynda 1,2 mlrd. dollar kóleminde qarjy aýdarylmaq.
Osy másele boıynsha tergeý amaldary 2009 jyly AQSh-ta «Toyota» avtokólikterin keri qaıtaryp alý faktilerine baılanysty bastalǵan edi. Ol kezde kompanııaǵa jeke jáne ujymdyq sottyq talap-aryzdar túsken bolatyn.
10 mılıonnan astam avtokólik tejeýish problemalary kesirinen qaıtaryldy.
VVS-diń jazýynsha, japondyq kólik óndirýshi 2009-2010 jyldary ózderiniń avtokólikterinde qaýipsizdik júıesi problemalary týraly retteýshilerdi jańylystyrǵandyǵyn moıyndady.
