Toyota Camry taǵy qymbattaýy múmkin
ASTANA. QazAqparat - Jaqyn ýaqytta eń tanymal bıznes sedandarynyń biri daǵdarysqa kezekti ret berilýi múmkin. Reseıdegi Toyota kompanııasy Camry sedanyna baǵalardy qaıta kóbeıtkeli otyr - eger bul kólikterdiń baǵasy rasymen de kóterilse, sedannyń jalpy qymbattaýy shamamen 30 paıyzdy quraıdy, dep habarlaıdy auto.vesti.ru.
Bastapqyda Toyota Camry kóliginiń bazalyq jıyntyqtalýynyń jarııalanǵan quny mıllıon rýblden aspaǵan: markanyń dılerleri jańartylǵan sedanǵa tapsyrystardy 998 000 rýblden bastalatyn baǵamen ala bastaǵan. Alaıda kóp uzamaı onyń baǵasy aıtarlyqtaı ósti - qazirgi ýaqytta, resmı saıtta kórsetilgendeı, «Standart» jıyntyqtalýyndaǵy sedannyń quny 1 212 000 rýbldi quraıdy.
Bul kóliktiń baǵasynyń sońǵy sharyqtaýy emes: dılerlerden alǵan málimetterge silteme jasaǵan «Za Rýlem» basylymynyń jazýynsha, jaqyn ýaqytta «Kamrı» qaıta qymbattap, bul rette baǵanyń ósýi birinshi kezekte eń qoljetimdi jıyntyqtalýlarǵa tıisti bolady. Mysaly, «Standart» nusqasynyń baǵasy 1 295 000 rýblǵa deıin ósse, «Standart Plıýs» nusqasy - 1 286 000-nan 1 350 000 rýblǵa deıin, al «Klassık» 1 351 000 rýbldan 1 415 000 rýblǵa deıin qymbattaıdy. Toyota-nyń dılerlik ortalyqtary sedanǵa tapsyrystardy jańa baǵalarmen alyp jatqany aıtylady. Kompanııanyń Reseıdegi resmı ókildigi túsinikteme berýden bas tartty.
