Toyota avtomobılder sapasyna degen uqypsyzdyǵy úshin ózn-ózi synǵa aldy
ASTANA. 24 mamyr. QazAqparat - 2009-2010 jyldary Toyota kompanııasynyń avtomobılderin jappaı qaıtaryp alýyna japon kompanııasynyń óz ónimderiniń sapasyna jetkiliksiz kóńil bólýi sebep boldy.
Birneshe mıllıon avtokólikterdi qaıtaryp alý saldarynan keıin 2010 jyly Toyota soltústik-amerıkalyq keńsesi janynan qurylǵan konsýltatsııalyq top osyndaı toqtamǵa keldi, dep habarlaıdy Bloomberg.
Top mamandarynyń pikiri boıynsha, Toyota kompanııasy shyǵarylatyn kólikterdiń sapasyna jaýap berýshi kásiporynnyń qyzmetker sanyn kóbeıtip, sondaı-aq tutynýshylardyń synyna jıirek qulaq asqany jón. Odan bólek, keńesshiler avtoóndirýshige kólik aqaýy baıqalǵan jaǵdaıda jyldam áreket etýge keńes berdi.
"2009 jyldyń sońy men 2010 jyldyń basynda Toyota kompanııasy 12 mıllıonnan astam avtokólikteriniń jappaı qaıtarylymyn jarııalady. Mundaı jedel qyzmettik shara qoldanýǵa kólikterdiń ózdiginen jyldamdyq alýy sebep boldy. Tekseris barysynda AQSh kólik mınıstrligi anyqtaǵandaı, japon avtoóndirýshileri aqaýdyń bary jaıynda qaıtaryp alý sharalaryna deıin birneshe aı buryn bile tura, amerıkandyq bılikti bul jóninde ýaqytyly eskertpegen. Nátıjesinde, kompanııaǵa avtomobıl qurylysy tarıhynda tuńǵysh ret eń iri aıyppul - 50 mln. dollar salyndy", - dep jazady Lenta.rý.
