Toyota álemdik avtomobıl naryǵynda kóshbasshy atandy
ASTANA. 30 qazan. QazAqparat - Toyota Motor Corp. álemdegi eń iri avtomobıl óndirýshi ataǵyn qaıtaryp aldy, dep habarlaıdy RBK. Japondyq korporatsııa General Motors-ty ekinshi orynǵa yǵystyrdy.
Toyota-nyń 2012 jyldyń III toqsanyndaǵy álem boıynsha satylymdary 18%-ǵa ósken, buǵan AQSh-taǵy sedan Camry men gıbrıd Prius-qa degen suranystyń artýy sebep boldy.
Ótken toqsanda Toyota 2,43 mln jeńil jáne júk kólikterin satqan. Ótken jyldyń osyndaı kezeńinde búkil álemde kontsernniń 2,06 mln kóligi satylǵan edi. Jyl basynan beri Toyota Motor Corp. satylymy 28%-ǵa, ıaǵnı 7,4 mln avtomobılge deıin ósken.
General Motors 2012 jyldyń III toqsanynda 2,28 mln avtokólik satqan eken.
