Toyota AQSh-ta taǵy da 1,5 mln avtomobıldi keri qaıtarady
ASTANA. QazAqparat - Japonııanyń Toyota kompanııasy Takata fırmasynyń qaýipsizdik qapshyǵynyń kemshiligine baılanysty AQSh-ta qosymsha 1,58 mln avtomobıldi keri qaıtarady.
Keri qaıtarylatyn 9 modeldiń ishinde 2006-2011 jyldary shyqqan Corolla, Yaris, Sienna da bar.
«Mashınalarda aldyńǵy jolaýshy otyratyn jerdegi qaýipsizdik qapshyǵynyń jarylǵyshy aýystyrylady», - delingen avtokontsern jarııa etken málimdemede.
Qazirgi ýaqytta Takata qaýipsizdik qapshyǵyn aýystyrý úshin Toyota AQSh-ta keri qaıtarylǵan kólikterdiń sany 4,7 mln-nan asyp ketti.
Eske sala ketsek, Japonııanyń Takata kompanııasy 2014 jyly daýdyń ortasynda qaldy. AQSh-ta kólik salasynyń mamandary onyń óndirgen qaýipsizdik qapshyǵy kenetten jarylyp ketýin, bolmasa túrli temirlerdi kólik salondaǵylaryna «atyp» jaraqattaýyn anyqtaǵan. Osy tehnologııalyq kemshilik saldarynan 11 adam qaza tapqan, onyń 10-y amerıkalyq. Osyǵan baılanysty keri shaqyrylǵan kólikter sany álemde 100 mln-nan asyp ketti, dep habarlaıdy tass.ru saıty.
