Toyota 300 myń avtokólikti qaıtarýda
ASTANA. 22 sáýir. QazAqparat - Japondyq Toyota Motor Corporation kompanııasynyń amerıkandyq bólimi RAV4 men «Haılender» avtokólikteriniń bir bóligin qaýipsizdik kópshigindegi aýytqýlardy joıý úshin qaıtaryp jatyr, - dep jazady Ýtro.ru.
Toyota Motor Sales USA Inc. ókilderi habarlaǵandaı, 2007-2008 jyldary shyǵarylǵan 214 myń RAV4 kóligi, sonymen qatar, 2008 jyly shyǵarylǵan 94 myń «Haılender» men «Haılender HV» kólikteri qaıtarylatyn bolady. Avtokólikterdiń barlyǵy AQSh-ta satyldy.
Toyota ókilderiniń málimdeýinshe, aýytqýlar eki sensormen baılanysty bolyp tur. Eger eki sensor belgili bir sebeppen isten shyqsa, qaýipsizdik kópshigi ózinen-ózi ashylatyn bolady.
