Toıǵa daıyndyq: Shymkentte saıabaqta serýendegen jas jubaılar vıdeoǵa túsip qaldy

ShYMKENT. QazAqparat - Shymkentte dendrosaıabaqta serýendegen jas jubaılar qaladaǵy karantın rejımin buzdy, dep habarlaıdy QazAqparat qalalyq polıtsııa departamentine silteme jasap.

Shymkent qalasy ál-Farabı aýdany polıtsııa basqarmasynyń qymetkerleri A.Asqarov atyndaǵy dendrosaıabaq aldynda serýendep júrgen jastardyń jeke basyn anyqtap, polıtsııaǵa jetkizdi.

Olar óz áreketin toıdyń aldyndaǵy daıyndyq dep túsindirgen. Jastar arnaıy fotosessııa jasap, beınerolık túsirgen. Sondaı-aq, toıdy karantın rejımi aıaqtalǵannan keıin ótkizýdi josparlaǵan.

Alaıda maskasyz júrip, karantın rejımin buǵany úshin polıtsııa qyzmetkerleri ol azamattarmen profılaktıkalyq áńgime júrgizip, túsinikteme aldy.

Olarǵa qatysty shara qabyldaý úshin jınaqtalǵan ákimshilik is qujattar sanıtarlyq-epıdemıologııalyq qyzmetine joldanady.