Toıdan keıin 17 adam ýlanyp, aýrýhanaǵa tústi
ASTANA. QazAqparat - Qyrǵyzstannyń Osh oblysynda 17 adam tamaqtan ýlanyp, aýrýhanaǵa tústi, dep habarlaıdy Kabar.
Eldiń densaýlyq saqtaý mınıstrliginiń habarlaýynsha, adamdardyń jappaı ýlaný oqıǵasy toıdan keıin bolǵan. Taǵamnan ýlanǵandardyń tórteýi 2015 jyly týǵan balalar. Dárigerler olardyń jaǵdaıyn ortasha dep baǵalaýda.
Toıda ýlanǵandardyń sany basynda on adam bolǵan, keıin mınıstrlik ókilderi zardap shekender sanynyń budan da kóp bolýy múmkin ekendigin aıtty.
Aldyn ala zertteý nátıjesine sáıkes, adamdar qoldan jabylǵan kompottan ýlanýy múmkin. Oqıǵa tekserilip jatyr.
