Toıdaǵy keleńsiz oqıǵalardy áleýmettik jelige jarııalaǵandar aqsha utyp alady
ShYMKENT. QazAqparat - Ońtústik Qazaqstan oblysynda toılardaǵy qyzyqty da keleńsiz oqıǵalardy áleýmettik jelige jarııalaǵandar aqsha utyp alady. Jeli qoldanýshylary arasynda jarııalanǵan «Ontoi juldyzdary» atty baıqaý toı mádenıetin qalyptastyrý maqsatynda qolǵa alynyp otyr, dep habarlaıdy QazAqparat HAA tilshisi.
Jergilikti telearna men oblystyq «Nur Otan» partııasy, oblystyq mádenıet jáne jastar saıasaty, ishki saıasat basqarmalary muryndyq bolǵan baıqaýdyń bas júldesine 500 myń teńge tigildi. Sebebi, eń kóp toı ótkizetin ońtústik óńirinde kóptiń kóńilinen shyǵý úshin jasaǵan keıbir qoıylymdar talaı toıdyń ıesin de, qonaqtaryn da uıatqa qaldyryp júrgeni belgili. ıAǵnı, qazaqtyń ǵajap toıyn mazaqqa aınaldyrǵandardyń áreketi tyıylar emes. Jelilerde jeldeı esken mundaı kórinisterden qazir kóz súrinedi. Oblystyq baıqaý endi osy jaıttarǵa toqtaý salýdy kózdeıdi.
«Qalaı degende de biz toı mádenıetin qalyptastyrýymyz kerek. Sol úshin áleýmettik jeli qoldanýshylary arasynda úzdik jobalar baıqaýyn jarııalap, barlyq buqaralyq aqparat quraldarynyń kómegimen osyny másele etip kótersek degen ortaq sheshimge keldik», - deıdi jergilikti telearna dırektory Ersultan Ámirbek.
Uıymdastyrýshylardyń sózinshe, baıqaýǵa jelini qoldanatyn kez kelgen turǵyn qatysa alady. Basty talap - toıdaǵy eń jaqsy nemese ersi qylyqty jelige jarııalap, qoǵamǵa oı salý. Al, mátinniń kólemi 100 áripten kem bolmaýy kerek. Este saqtaıtyn taǵy bir másele, jazba «Ontoi» heshtegimen jarııalanýy tıis. Sonymen qatar, baıqaý kezinde ózge aımaqtardyń da erekshelikterin úlgi etip usynýǵa bolady.
«Toıdyń maǵynaly, durys ótýin Astana, Almatydan kórsek bolady. Toı jasaıtyn adam aldyn ala bir aı nemese 2 apta buryn óz shaqyrtýyn beredi. Siz sol kezde baratyn-barmaıtynyńyzdy aıtasyz. Óıtkeni dastarhan ázirleý, kimdi kimmen otyrǵyzýdyń ózi úlken mádenıet», - deıdi Oblystyq «Nur Otan» partııasy tóraǵasynyń birinshi orynbasary Nurmahan Joldasov.
Toı mádenıetin qalyptastyrýǵa arnalǵan baıqaýǵa materıal jarııalaý búginnen bastap jeltoqsannyń onyna deıin jalǵasady. Júldeli orynnan kóringisi keletinder aptasyna bir ret ǵalamtorda jazba qaldyrýy kerek. Baıqaý jeńimpazdary jyl sońyna qaraı anyqtalmaq.
