Toıda jappaı ýlanýdyń basty sebebi qandaı
Onyń aıtýynsha, aýyldy jerde toı ıeleri tamaqty úıden jasap aparady. Al meıramxana ákimshiligi oǵan ruqsat berip jatady. Degenmen, dál sondaı jaǵdaılar qonaqtardyń jappaı ýlanýyna sebep bolady.
«Máselen, bıyl Shortandy jaqta bir oqıǵa boldy. Sol kezde toı ıesi etti kórshi aýylda pisirip, ertesinde toıxanaǵa aparǵan. Ony qaınaǵan sýǵa taǵy bir ret salǵan da joq. Týrap-týrap qoıdy da, ústinen tuzdyqty quıa saldy. Sodan 58 adam zardap shekti. Týra solaı bir aýylda etti bir kún buryn pisirgen. Sosyn túni boıy polıetılenniń astynda saqtady. Túste dastarqanǵa qoıdy da, ony jegen xalyq ýlanyp qaldy», - dedi J.Bekshın Astanada ótken baspasóz máslıxatynda.
Aıta keteıik, J.Bekshın jaz kezinde toı taǵamdaryn daıyndaý qaýipsizdigine de toqtaldy.
Onyń aıtýynsha, aldymen aspazshylardyń kásibı daıyndyǵyn tekserip alý qajet. Bas aspazshyda sanıtarlyq kitapsha bolýy tıis. Syrttan adam tartýǵa bolmaıdy. Ydys-aıaqty jýyp turatyn adamdardyń sany da jetkilikti bolýy shart.
«Sosyn tamaqty saqtaıtyn arnaıy qural-jabdyqtardyń bar-joǵyn tekserip alǵan jón. Daıyn turǵan tamaq tońazytqyshta saqtalýy qajet. Meıramxanada ystyq sý bolýy tıis. Tazalyqqa basa mán berý kerek. Negizi, tamaq jasaıtyn jerdiń sanıtarlyq jaǵdaıy jappaı ýlanýǵa sebep bolyp jatady. Toıdyń dastarqanyn bir saǵat buryn jasaǵan durys. Odan erte jaıylsa, daıyn tamaqta mıkroaǵzalar tez ósedi. Sodan adam ýlanady. Árıne, tamaq ónimderiniń saqtaý merzimin únemi baqylap otyrý qajet», - dep atap kórsetti J.Bekshın.