Toıda tostqa shyǵyp, tóbege oq atqan azamat aıyppul tóleıtin boldy
TALDYQORǴAN. QazAqparat - Toıda tostqa shyǵyp, tóbege oq atqan azamat 15 myń teńgege jýyq aıyppul tóleıdi. Mundaı sheshimdi Talǵar aýdanynyń soty shyǵardy, - dep habarlaıdy QazAqparat tilshisi.
Talǵar aýdandyq sotynyń baspasóz qyzmeti jarııalaǵan aqparatqa sáıkes, tórt ret aspanǵa oq atqan azamat óz is-áreketine qatty ókinip, kinásin tolyqtaı moıyndaǵan. Ol ákimshilik kodekstiń 434-babynyń 1-bóligi boıynsha kináli dep tanylyp, 5 aılyq eseptik kórsetkish kóleminde aıyppul tóleýge mindetteldi. ıAǵnı, usaq buzaqylyq jasady degen er adam memleket qazynasyna 14 585 teńge tóleıdi
Esterińizge sala keteıik, áleýmettik jelide toıda tilek aıtýǵa shyqqan azamattyń biri kenetten joǵaryǵa qaraı oq atyp, jeli qoldanýshylardy shoshytqan bolatyn. Artynsha ol kópshilikten bul áreketi úshin keshirim surady.
