Toıda avtomatpen júrgen kúzet qyzmetin prokýratýra tekseredi
ASTANA. QazAqparat - Toıda ánshilerdi avtomatpen qorshaýǵa alyp, kúzetip turǵan kúzet qyzmetin prokýratýra tekseredi. Bul týraly QR ІІM resmı ókili Almas Sadýbaev aıtty, dep habarlaıdy QazAqparat tilshisi.
«17 qarashada Túrkistan oblysyna qarasty Saryaǵash aýdanyndaǵy meıramhanalardyń birinde úılený toıyn uıymdastyrýshylar ártister óner kórsetken kezde tártipti qamtamasyz etý úshin kúzet agenttiginiń qyzmetkerlerin tartqan. Qazirgi ýaqytta atalǵan kúzet uıymyna qatysty qyzmetkerleriniń qyzmettik qarýdy paıdalaný tártibin buzý faktisi boıynsha QR Ákimshilik quqyq buzýshylyq týraly kodeksiniń 484-baby 1-bólimi boıynsha ákimshilik hattama toltyryldy», - dedi Almas Sadýbaev.
Sonymen qatar, resmı ókildiń aıtýynsha, Kásipkerlik kodeks aıasynda prokýratýra organdaryna kúzet qyzmetin jospardan tys tekserýge bastamashylyq jasaldy. ıAǵnı, atalǵan uıymnyń kúzet qyzmeti salasyndaǵy zańnama talaptaryna sáıkestigi tekseriledi.
Buǵan deıin, ánshi Serikbol Saılaýbek án salyp jatqan kezde avtomatpen qorshaýǵa alǵan kúzet fırmasy qyzmetkerleriniń áreketine quqyqtyq baǵa beriletindigin habarlaǵan edik.
