Toı jasaǵan Roza Rymbaevanyń qudasyna aıyppul salyndy
ATYRAÝ. QazAqparat – Atyraýda Álı Oqapovqqa qyz uzatqan otbasyǵa aıyppul salyndy, dep habarlaıdy QazAqparat.
Buǵan deıin áleýmettik jelide tanymal estrada ánshisi, Qazaqstannyń Eńbek Eri Roza Rymbaevanyń uly Álı Oqapovtyń atyraýlyq arýǵa úılengen sátinen fotolar jarııalanǵan edi. Ánshiniń uly «Asyl» tobynyń múshesi Aqerke Búrkitbaımen shańyraq kóterdi.
«Oblystyń bas memlekettik sanıtarlyq dárigeriniń toı, otbasylyq jıyndar ótkizýge shekteý salǵanyna qaramastan, bıylǵy 19 tamyzda Atyraý qalasynyń «Samal» yqshamaýdanyndaǵy jeke úıde otbasylyq qyz uzatý sharasy ótken. Úı ıesi oǵan týma-týystaryn jınaǵany anyqtaldy. Karantındik shekteý sharalarynyń talabyn buzǵan otbasyǵa QR Ákimshilik quqyqbuzýshylyq týraly Kodeksiniń 425-baby, 1-bóligine sáıkes ákimshilik hattama toltyrylyp, 15 aılyq eseptik kórsetkish kóleminde (41 myńnan astam teńge) aıyppul salyndy» -dep habarlady oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
