Toı kortejinde jol erejesin óreskel buzǵandar polıtsııaǵa jetkizildi
QYZYLORDA. KAZINFORM – Áleýmettik jelige monıtorıng júrgizgen Qyzylorda oblystyq polıtsııa departamenti quqyqqa qaıshy beınejazbany anyqtady.
Beınejazbada birneshe júrgizýshiniń qala aýmaǵynda kortej uıymdastyrǵany anyqtaldy.
- Olar jol erejesin elemegen. Jol júrisi, manevr jasaý, avarııalyq sıgnal berýdi qoldaný qaǵıdalaryn buzǵan jáne memlekettik tirkeý nómirinsiz kólik quralyn basqarǵan. Barlyq qatysýshy anyqtalyp, polıtsııaǵa jetkizildi. Olar – Qyzylorda qalasynyń 20-35 jas aralyǵyndaǵy turǵyndary, - delingen habarlamada.
Quqyq buzýshylarǵa qatysty 15 hattama rásimdelip, aıyppul salyndy. 1 avtokólik arnaıy turaqqa qoıyldy. Barlyq qatysýshyǵa mundaı áreketterge jol bermeý týraly resmı eskertý berildi.
Eske salaıyq, jýyrda Jańaqorǵan aýdanyndaǵy ortalyq kóshelerdiń birinde kóptegen kóliktiń jol qozǵalysy erejelerin óreskel buzý deregi anyqtaldy.
