Tour of Almaty-2019 kórermenderin avtobýs tegin tasymaldaıdy
NUR-SULTAN. QazAqparat - Tour of Almaty-2019 jarysynyń kórermenderin avtobýs tegin tasymaldaıtyn boldy, dep habarlaıdy QazAqparat Qazaqstan velosport federatsııasyna silteme jasap.
«Tegin avtobýstar tańǵy saǵat 10:00-den bastap Dostyq jáne Qurmanǵazy kósheleriniń qıylysynda turady. Sońǵy avtobýs saǵat 12:00-de jolǵa shyǵady. Avtobýstar 30 mınýt saıyn nemese adam tolǵan sátte júredi. Kólikterge Tour of Almaty logotıpi japsyrylǵan. Al keshkisin 16:30-dan bastap shattl-bastar kórermenderdi «Medeýden» qalaǵa tasymaldaıdy», - dep habarlady federatsııanyń baspasóz qyzmeti.
Federatsııa málimetinshe, kólik qozǵalysyna shekteý qoıylady. Sondyqtan 11:30-ǵa deıin kelip úlgergen jón. Onymen qosa, Dostyq dańǵylynyń «Medeýge» aparatyn tusyna avtokólik qoıýǵa tyıym salynǵan. Olar veloshabandozdardyń qozǵalysyna kedergi jasaıdy, sondyqtan ol mańǵa kólik qoıǵan jaǵdaıda olardy alyp tastaýǵa týra keledi. Sol sebepti kólikti «Medeýdiń» bazalyq stansasyna qaldyrǵan jón.
Eske sala keteıik, Tour of Almaty-2019 kásibı velojarysy bıyl jetinshi ret - 30 jáne 31 tamyzda ótedi. Oǵan velosporttyń álemdik juldyzdary qatysady.
