Toty qus ıesin óltirgen adamdy ustap berdi
ASTANA. QazAqparat - Úndistannyń Agra qalasynyń polıtseıleri toty qustyń kómegimen áıel adamdy óltirgen qylmyskerlerdi anyqtady.
Jergilikti gazet redaktorynyń áıeli Neela Sharmany 20 aqpan kúni belgisiz bireýler óz úıinde óltirip ketken. Qaskóıler áıelmen birge onyń ıtin de baýyzdap, torda otyrǵan toty qusqa ǵana tıispeı ketip qalǵan.
Iesi ólgen soń, qusty onyń týystary alyp kútken. Olardyń arasynda marqumnyń nemere inisi Ashýtosh Sharma Gosvamı de bolǵan. Ol qasynan ótken saıyn toty qatty mazasyzdanyp baqyra bergen. Sol kezde týystary kúdiktenip, totynyń qasyna kelip, marqumnyń tanystarynyń attaryn ataı bastaǵan. Kezek Ashýtoshtyń esimine kelgende, álgi qus taǵy da baqyrǵan.
Totynyń qylyǵy týraly marqumnyń týystary polıtsııaǵa habar beripti. Tergeý kezinde Ashýtoshtyń tátesiniń ólimine qatysy bary dáleldangen, dep jazady Lenta.ru.
