«Tottenhem» Chempıondar lıgasynyń kelesi kezeńine ótti
NUR-SULTAN. QazAqparat - ÝEFA Chempıondar lıgasynyń 1/4 fınalyndaǵy «Manchester Sıtı» men «Tottenhem» komandalary arasyndaǵy kezdesý aıaqtaldy, dep habarlaıdy QazAqparat tilshisi.
Buǵan deıin atalǵan kezdesýdiń birinshi taımynda bolǵan eleýli oqıǵalardy jazǵan bolatynbyz.
Aıta keteıik, bul oıyn kóp gol soǵylýymen este qaldy. Ekinshi taımdy alań ıeleri shıraq bastady. Ákki shabýylshy Serhıo Agýero tablodaǵy esepti 4:2-ge jetkizdi. Al alańǵa tyńnan qosylǵan «Tottenhem» shabýylshysy Fernando Lorente oıyn tizginin qolǵa aldy. Ol qorǵaýshy Aımerık Lıaporttyń qateligin paıdalanyp, esepti bir golǵa deıin qysqartty.
Sońǵy mınýtta Rahım Sterlıng kezekti márte mergendik tanytqan, alaıda onyń goly esepke alynbady.
Tóreshi qosqan qosymsha ýaqytta alań ıeleri qansha tyrysqandarymen qajetti esepke qol jetkize almady. Osylaısha, kelesi kezeńge Maýrıso Pochettınodan tálim alatyn «Tottenhem» komandasy ótti.
