Tótenshelikter jolda qalǵan avtobýstyń jolaýshylaryn evakýatsııalady
TARAZ. QazAqparat – Tótenshe jaǵdaı qyzmetkerleri jolda qalǵan avtobýstyń 45 jolaýshysyn qutqardy, dep habarlaıdy QazAqparat TJK baspasóz qyzmetine silteme jasap.
«27 qarashada Jambyl oblysynyń Qordaı aýdanynda «Almaty-Tashkent» tasjolynyń 240 shaqyrymynda «Shymkent-Almaty» baǵytymen jolǵa shyqqan «Yutong» markaly avtobýs tehnıkalyq aqaýǵa baılanysty buzylyp qalǵan. Jolaýshylar avtobýsynyń salonynda 45 adam, sonyń ishinde 5 bala bolǵan. Olardyń barlyǵy Qazaqstan azamattary», delingen habarlamada.
Jedel jetken qutqarýshylar men polıtseıler Qordaı aýylynyń avtovokzalyna 26 jolaýshyny, sonyń ishinde 5 balany evakýatsııalady. Olar keıin «Sprinter» shaǵyn avtobýsymen Almaty qalasyna jetkizildi.
Evakýatsııadan bas tartqan qalǵan 19 jolaýshy jol jónekeı ketip bara jatqan avtokólikterge minip ketti.
