Tótenshelikter soǵys jáne tyl ardagerin 8 naýryz -Halyqaralyq áıelder merekesimen quttyqtady
QYZYLORDA. QazAqparat - Qyzylorda oblysy TJD «Órt sóndirý jáne avarııalyq qutqarý jumystary qyzmeti» memlekettik mekemesi kadr jumysy bóliminiń bastyǵy, órtke qarsy qyzmet maıory E.Orynbaev pen kásibı daıyndyq mektebiniń bastyǵy, órtke qarsy qyzmet podpolkovnıgi J. Sýnaqov sala ardageri Polına Katafarıdıdıdi 8 naýryz - Halyqaralyq áıelder merekesimen quttyqtap, syı-sııapat jasady.
Ol 1927 jyly dúnıege kelgen. Soǵys jáne tyl ardageri. Onymen qosa, órtke qarsy qyzmet salasynda uzaq jyldar qyzmet etken. Jasaǵan eńbegi ólsheýsiz. Búginde sol beınetiniń zeınetin kórip otyrǵan jaıy bar. Órtke qarsy qyzmet salasy basshylarynyń yqpalymen 2013 jyldyń qańtar aıynda jergilikti ákimdik Polına Katafarıdı ájeıge kóp qabatty turǵyn úıden eki bólmeli páterdi syıǵa tartty. Qýanyshtan kózine jas alǵan soǵys ardageri sheksiz alǵysyn bildirgen edi sol kezde. Búginde merekeni óz úıinde qarsy alyp otyrǵan qart áje umytpaı quttyqtap kelgen azamattarǵa sheksiz rızashylyǵyn bildirdi.
