Tótenshelikter shomylý maýsymynda saq bolýǵa shaqyrdy
ASTANA. QazAqparat - Bul týraly búgin OQO Aımaqtyq kommýnıkatsııalar qyzmetinde ótken brıfıngte Tótenshe jaǵdaılardy joıý bóliminiń bastyǵy Nurjan Asıbekov aıtty, dep habarlaıdy OQO ákiminiń baspasóz qyzmeti.
Onyń aıtýynsha, Ońtústik Qazaqstan oblysynyń aýmaǵynda 320 sý aıdyndary bolsa, onyń 41 sý qoımasy, 16 kól, 82 ózen, 181 kanal. Al osy sý qoımalardyń ıaǵnı, Toǵys, Badam, Shardarada jedel - qutqarý jasaǵynyń qutqarý beketteri uıymdastyrylǵan.
«Oblys aýmaǵynda ótken jylǵa qaraǵanda bıylǵy jyly jazataıym oqıǵadan qaıtys bolǵan adam ólimi kóbeıgen, sonyń ishinde bala ólimi kóp. Ortasha eseppen alǵanda 2016 jyldyń basynan beri 35 adam sýǵa batqan onyń ishinde 26 jós óspirimder. Oqıǵanyń kóbisi shomylý aımaqtarynan tys jerde oryn alǵan», - dedi N.Asıbekov
Sonymen qatar, baspasóz máslıhatynda tótenshelikter oryn alǵan jaǵdaıdyń kóbisi eresekterdiń qaraýynsyz qaldyrylǵan balalardyń kanaldarda, úıdiń janynda aǵatyn aryqtarda, basseınde sýǵa batý jaǵdaıy ekenin aıtady. Sondyqtan olar barsha turǵyndarǵa arnaıy belgilengen jerde shomylyp, saq bolýǵa shaqyrdy. Jáne ata - analarǵa balalaryn qaraýsyz qaldyryp ketpeýdi surady.
