Tótenshe jaǵdaılardy joıý jóninde Qazaqstan-Reseı oqý jattyǵýlary ótedi
ÓSKEMEN. QazAqparat - Qarashanyń 22-23-i kúnderi Shyǵys Qazaqstan oblysyndaǵy «Óskemen-Shemonaıha-RF shekarasy» A-10 avtojolynyń 118-123-shi ýchaskesinde birlesken Qazaqstan-Reseı oqý-jattyǵýlary ótedi, dep habarlandy QR Investıtsııalar jáne damý mınıstrliginiń saıtynda.
Jattyǵý tabıǵı jáne tehnıkalyq tótenshe jaǵdaılardy joıý men eskertý jóninde keshendi is-sharalar ótkizýdi qamtıdy. Onda aýyr júk jáne jolaýshylar tasymaldaıtyn avtokólik quraldarynyń, jeńil avtokólikterdiń qatysýymen qalyń qar jaýǵan kezde nemese qatty jeldiń saldarynan jáne basqa da jol-kólik oqıǵalaryna sebep bolatyn túrli jaǵdaılardyń aldyn alý máseleleri qarastyrylady.
Іs-shara teorııalyq jáne tájirıbelik bolyp eki bólimnen turady. Birinshi kúni, 22 qarashada «Altaı» Shyǵys Qazaqstan óńirlik parkinde eki el jol qyzmetiniń qys kezinde avtomobıl joldaryndaǵy ózara is-qımyly máseleleri talqylanady. Sondaı-aq, avtojoldardy salǵan kezde jáne jóndeýden ótkizgende qoldanylatyn tehnologııalar men kútip ustaý erekshelikteri te talqyǵa túspek. Oqý-jattyǵý barysynda avtojol qyzmetiniń, TJM qyzmetiniń, ІІM, alǵashqy medıtsınalyq kómek kórsetetin qyzmet pen basqa da qajetti qyzmetterdiń qaýipsizdikti qamtamasyz etý sharalary kórsetiletin bolady.
Aıta keteıik, is-sharanyń negizgi qatysýshylary QR Investıtsııalar jáne damý mınıstrligi, Avtomobıl joldary komıteti. Sondaı-aq, Shyǵys Qazaqstan oblysynyń ákimdigi, «QazAvtoJol» UK» AQ, «Rosavtodor» Federaldy jol agenttigi, «Kazahavtodor» JShS, QR ІІM ShQO boıynsha Tótenshe jaǵdaılar departamentiniń, ShQO ІІD men Reseı Federatsııasynyń Azamattyq qorǵanys isteri jónindegi mınıstrliktiń Altaı ólkesi boıynsha tabıǵı apattardyń saldaryn joıý jónindegi Bas basqarmasynyń, «Altaıýpravtodor» federaldyq memlekettik mekemesi men taǵy basqa da osy salaǵa qatysty mekemelerdiń ókilderi qatysady.
