Tótenshe jaǵdaılardyń aldyn alý komıteti quryldy - TJM

ASTANA. KAZINFORM - Tótenshe jaǵdaılar mınıstrliginiń quramynda Tótenshe jaǵdaılardyń aldyn alý komıteti quryldy.

"Tótenshe jaǵdaılardyń aldyn alý jónindegi ortalyq jáne jergilikti atqarýshy organdarǵa qatysty baqylaýdy júzege asyrý úshin Memleket Basshysynyń tapsyrmasy boıynsha TJM quramynda qoldanystaǵy Tótenshe jaǵdaılardyń aldyn alý departamentiniń bazasynda Tótenshe jaǵdaılardyń aldyn alý komıteti quryldy" delingen vedomstvo habarlamasynda.

Málimetke saı, usynylyp otyrǵan uıymdyq shtattyq is-sharalardy iske asyrý respýblıkalyq bıýdjetten qosymsha qarjy qarajatyn talap etpeıdi. Ózgerister TJM-niń qolda bar shtat sany sheginde júrgiziletin bolady.