Tótenshe jaǵdaılardan zardap shekkender sany artty - QR TJM
ASTANA. QazAqparat - Tótenshe jaǵdaılardan zardap shekkender sany artyp keledi. Bul týraly búgin Ortalyq kommýnıkatsııalar qyzmetindegi brıfıngte QR TJM basshysy Vladımır Bojko málim etti.
Onyń sózine qaraǵanda, bıylǵy jyly Qazaqstan aýmaǵynda iri jol-kólik oqıǵalaryn qosa alǵanda 8254 tabıǵı jáne tehnogendik sıpattaǵy tótenshe jaǵdaılar tirkeldi. Byltyrǵy osy kezeńge qaraǵanda, onyń deńgeıi 16 paıyzǵa artyq.
Bul rette 1829 adam zardap shegip, bul kórsetkish ótken jylmen salystyrǵanda 5,2 paıyzǵa joǵarylaǵan. Tótenshe jaǵdaılardyń saldarynan 598 adam ajal qushty.
«Aldyn ala berilgen derekter boıynsha materıaldyq shyǵyn 2079,6 mln. teńgeni qurap, ótken jyldyń sáıkes kezeńimen salystyrǵanda 69 paıyzǵa azaıdy»,-dedi mınıstr.
