Tótenshe jaǵdaılar jónindegi vıtse-mınıstr Abylaı Sabdalınge qatysty qylmystyq is materıaldary sotqa berildi

Bul týraly búgin jýrnalıstermen bolǵan aptalyq brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı aıtty.

Atalǵan tulǵaǵa qatysty qylmystyq is materıaldary Astana qalasy Saryarqa aýdandyq sotyna joldanǵanyn atap ótken ol «A.Sabdalınge 45 myń dollar kóleminde para berýdi uıymdastyrdy jáne eki teleskopııalyq apparat satyp alýǵa qatysty memlekettik tapsyrys kezinde qyzmet babyn asyra paıdalanyp, memleketke 310 mıllıon teńge kóleminde nuqsan keltirdi degen aıyp taǵylyp otyr», dedi.
Aıta keteıik, ótken jyly qyrkúıektiń 2-sinde A. Sabdalınge asa iri kólemde para berýdi uıymdastyrdy degen aıyp taǵylyp, Saryarqa aýdandyq sotynyń sanktsııasymen qamaýǵa alynǵan bolatyn.